«Ұстаздар күніне» арналған іс-шара

Ұстаздар күні - бұл дәстүрлі әрі бүкілхалықтық мереке. Өйткені ұрпақ тәрбиесі – ұстазға байланысты. 5-қазан Ұстаздар күніне орай мектебімізде мерекелік іс-шара өтті. Мерекеге білім саласында көп жылдар талмай еңбек еткен ардагерлер ұстаздар да шақырылды. «Білім - біліктілікке жеткізер баспалдақ, ал біліктілік - сол білімді іске асыра білу дағдысы», - деп Ахмет Байтұрсынұлы айтқандай, білімі мықты, білігі жоғары жаңашыл ұстаздар біздің оқу ордамызда да жеткілікті.Мерекелік жиында мектеп директоры Алиева Сандуғаш Аманбековна ұстаздарды кәсіби мерекесімен құттықтап, құрмет грамотасымен марапаттады. Қатысушылардың құрметіне мектебіміздің өнерлі білім алушылары концерттік бағдарламаларын ұсынды. Концерт қызықты да тартымды болды. Барлық қатысушылар мен қонақтар өте жақсы көңіл күймен қайтты. Мереке аяқталса да,  ұстаздарға деген құрмет мәңгілік!